Кілтті сөздер
шектеусіз шүкір
шектеулі шүкір
ислам этикасы
рухани құндылықтар
жеке тұлға
Дәйексөздерді қалай жазу керек
Аңдатпа
Бұл мақалада исламдық дүниетаным аясында шүкір ұғымының мәні, оның шектеусіз (мутлақ) және шектеулі (муқайяд) қырлары жан-жақты талданып, жеке адам мен қоғам өміріне тигізер рухани, моральдық және әлеуметтік ықпалы сараланады. Зерттеу барысында Құран аяттары мен Пайғамбар Мұхаммедтің ﷺ сүннетіне, классикалық және заманауи ислам ғұламаларының еңбектеріне сүйене отырып, шүкірдің тек тілмен айтылатын алғыс қана емес, жүрек сенімі мен іс-әрекет арқылы көрінетін тұтас құндылық екені дәлелденеді.
Сондай-ақ шүкір мен күпірліктің тарихи және қазіргі қоғамдағы көріністері салыстырмалы түрде қарастырылып, олардың адам санасы, әлеуметтік тұрақтылық және рухани даму үдерісіне әсері сыни тұрғыда бағаланады. Мақалада шүкір мәдениетін қалыптастырудың адамды жауапкершілікке, ішкі тепе-теңдікке және қоғамдық келісімге жетелейтін маңызды фактор екені көрсетіледі. Зерттеу нәтижелері діни-рухани тәрбиеде, әлеуметтік-гуманитарлық ғылымдарда және қоғамдық сана қалыптастыруда теориялық әрі практикалық маңызға ие.